VICE GANDA'S VICTORY IS OURS TOO: When "Call Me Mother" Put Queer Excellence at the Center

Kagabi, December 27, 2025, nang tanghaling Best Actor si Vice Ganda para sa 51st MMFF (Metro Manila Film Festival) Gabi ng Parangal para sa film na Call Me Mother, naging isa itong makasaysayang sandali. Isang proud queer artist ang tumayo sa isa sa pinakamalalaking entablado ng pelikulang Pilipino, kinilala hindi dahil sa kasikatan o comedy, kundi dahil sa husay sa pag-arte, lalim ng emosyon, at katotohanan ng performance.

Sa loob ng maraming taon, madalas ikahon si Vice Ganda sa mga label na comedian, host, entertainer. Pero binasag ng Call Me Mother ang mga kahong ito. Kinailangan ng pelikula ng vulnerability, restraint, at emosyonal na katapatan, at mahusay itong naibigay nang buong-buo ni Vice. Ipinakita ng pelikula na puwedeng magsabay ang comedy at drama, at pinatunayan na ang pagiging queer ay dagdag-lalim, hindi hadlang, sa storytelling.

This win challenges a long-standing bias in Philippine cinema na ang mga queer performers ay para lang sa comic relief o exaggerated roles. Ang pagkapanalo ni Vice Ganda bilang Best Actor ay malinaw na patunay na kayang manguna ng isang queer actor, buhatin ang bigat ng istorya, at kilalanin sa pinakamataas na antas ng sining.

Para sa LGBTQIA+ community, napakalalim ng kahulugan ng pagkilalang ito. Hindi ito token representation. Hindi ito para sa clout. Ito ay pinaghirapang pagkilala. Mensahe ito sa mga batang queer na nanonood na ang identities ninyo ay hindi hadlang, ang mga pangarap ninyo ay valid, at ang talento ninyo ay may lugar.

Hindi kailanman itinago ni Vice Ganda kung sino siya. Sa isang lipunan, at industriyang madalas humihiling sa queer people to soften, dilute, or silence themselves, ang ganitong katapatan ay nangangailangan ng tapang. Hindi pa sa ngayon tuluyang binubura ng award na ito ang diskriminasyong naranasan, pero may mas mahalaga itong ginagawa. Binabago nito kung ano ang hitsura ng tagumpay para sa mga queer artist sa mainstream.

Ang panalo ni Vice Ganda ay panalo rin ng mga queer artists na sinabihang manahimik o tumabi. Panalo ito ng mga tinawanan bago nirerespeto. Panalo ito ng mga kinailangang doblehin ang effort para seryosohin.

Ang maingay na palakpakan kagabi ay para sa isang performance sa Call Me Mother, pero ang epekto nito ay mas malawak pa kaysa sa pelikula. Paalala ito na ang Philippine cinema, kapag nasa pinakamagandang anyo nito, ay kayang kilalanin ang talento nang walang takot at walang pagtatangi.

Hindi lang nanalo si Vice Ganda ng Best Actor.

Umangkin siya ng espasyo.

Gumawa siya ng kasaysayan.

At pinaalala niya sa ating lahat na ang queer brilliance ay dapat nasa gitna at hindi sa gilid lamang.

---

VICE GANDA'S VICTORY IS OURS TOO: When "Call Me Mother" Put Queer Excellence at the Center

Editorial By: PRIDE.PULSE

FTS Lobo Writers Guild

PRIDE.PULSE is the official group of talented writers behind the articles, stories, and written pieces of FTS Lobo Organization Inc. Dedicated to truthful storytelling and meaningful advocacy, Pride Pulse captures the heartbeat of our community through thoughtful narratives and empowering content. As proud members of FTS Lobo, they bring their lived experiences, creativity, and commitment to service into every piece they write, amplifying the voices of the LGBTQIA+ community and strengthening the organization’s mission of inclusivity, awareness, and unity.

Want your story featured? Email us! We’re always listening. Stay tuned for more stories, features, and behind-the-scenes updates from the heart of FTS LOBO. Let’s continue making spaces that heal, celebrate, and empower. FTS LOBO—Where Every Identity Finds a Home.

HELP US CONTINUE OUR MISSION!

SUPPORT FTS LOBO